Húrmetli Watanlaslar, qádirli Mádeniyat hám kórkem óner tarawı pidayıları!

Sizlerdi búgingi Mádeniyat hám kórkem óner tarawı xızmetkerleri kúni múnásibeti menen qızǵın qutlıqlaymız.

Hár qanday xalıqtıń mádeniyatı menen kórkem ónerine degen húrmet – bul sol xalıqtıń ótmish tariyxı, milliyligi, úrp-ádet hám dástúrlerine bolǵan húrmet sanaladı.

Sonlıqtan da búgingi bayram tamırı tereń tariyxqa iye kóp milletli xalqımızdıń, pútkil elimizdiń bayramı, desek aljaspaǵan bolamız.

Mádeniyat hám kórkem óner tarawı xızmetkerleri eń dáslep, biytákirar óneri menen xalqımızdıń ruwxıy dúnyasın bayıtıp kiyatırǵan mashaqatlı hám maqtanıshlı kásip iyeleri esaplanadı.

Húrmetli taraw xızmetkerleri!

Sizlerdi búgingi bayram menen qutlıqlap, hámmeńizge bekkem densawlıq, shańaraǵıńızǵa tınıshlıq-amanlıq, mashaqatlı hám maqtanıshlı jumıslarıńızda tasqın tabıslar tileymiz!

Amanbay Orınbaev,

Qaraqalpaqstan Respublikası

Joqarǵı Keńesiniń Baslıǵı