Xalıqaralıq fizika olimpiadası jeńimpazı — qaraqalpaqstanlı oqıwshı!

Quwanıshlı xabar!

Xojeli rayonı 20-sanlı ulıwma orta bilim beriw mektebiniń 11-klass oqıwshısı Ibragimov Ǵayrat Allambergenovich xalıqaralıq maydanda joqarı nátiyjege eristi.

Ol 2026-jıl 10-17-oktyabr kúnleri Samarqand qalasında ótkerilgen II Ahmad al-Farǵaniy atındaǵı xalıqaralıq fizika olimpiadasında Ózbekstan saylandı komandası quramında qatnasıp, bronza medalın qolǵa kirgizdi!

Qaraqalpaqstan Respublikası Mektepke shekemgi hám mektep bilimlendiriwi ministrligi atınan Ǵayrattı, onıń ustazları hám ata-anasın qızǵın qutlıqlaymız! Keleshektegi oqıwları hám ilimiy izlenislerinde úlken tabıslar tileymiz!

Maǵlıwmat ushın: Bul olimpiadada Qaraqalpaqstannan 3 oqıwshı - Xojeli rayonı 20-sanlı mektebiniń 11-klass oqıwshısı Ibragimov Ǵayrat, Tórtkúl rayonı qánigelestirilgen mektebiniń 11-klass oqıwshıları Sharipbaev Elbek hám Qurbanbaev Begzad Ózbekstan saylandı komandası qatarında qatnastı.