Mádeniyat ministrliginiń jańa imaratı paydalanıwǵa tapsırıldı

Búgin Nókis qalasında Qaraqalpaqstan Respublikası Mádeniyat ministrligi jańa imaratınıń ashılıwına arnalǵan ilaj ótkerildi.

Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, jıynalǵanlardı jańa imarat paydalanıwǵa tapsırılıwı múnásibeti menen qutlıqladı.

Atap ótilgenindey, sońǵı jılları barlıq tarawlar qatarında mádeniyat hám kórkem óner tarawına da ayrıqsha itibar qaratılıp, bul baǵdarda keń kólemli ilajlar ámelge asırılmaqta.

Ótken qısqa waqıt ishinde tarawǵa baylanıslı bir qatar párman hám qararlar qabıl etilip, tarawdı ele de rawajlandırıw, mádeniyat mákemeleriniń materiallıq-texnikalıq bazasın bekkemlew, xızmetkerlerdi hár tárepleme qollap-quwatlaw jańa basqıshqa                    kóterilip atır.

Mine usınday iygilikli ilajlar qatarında barlıq qolaylıqlarǵa iye jańa imarattıń paydalanıwǵa tapsırılıwı búgingi Madeniyat hám kórkem óner tarawı xızmetkerleri kúni bayramında taraw xızmetkerlerine úlken sawǵa boldı.

Albette, bul imarat xalqımız iygiligi jolında, mádeniyat hám kórkem óner tarawı xızmetkerlerine uzaq jıllar dawamında xızmet etedi.