Basshı hám jaslar ushırasıwı ótkerildi

Elimizde jaslarǵa bolǵan itibar mámleketlik siyasattıń baslı baǵdarlarınıń birine aylanıp, olardıń pikir hám baslamaların qollap-quwatlaw, mashqalaların óz waqtında sheshiw maqsetinde keń kólemli jumıslar ámelge asırılmaqta. Usı tiykarda Prezidentimizdiń baslaması menen hár hápteniń piyshembi kúni "Jaslar kúni" sıpatında belgilengen edi.

Mine usı baslama sheńberinde búgin Nókis qalasında Basshı hám jaslar ushırasıwı ótkerildi.

Ilajdı Qaraqalpaqstan Respublikası Joqarǵı Kenesiniń Baslıǵı Amanbay Orınbaev kiris sóz benen ashtı hám basqarıp bardı.

Onda Ózbekstan Respublikası Bas Prokurorınıń birinshi orınbasarı B.Valiev,  Ózbekstan Respublikası Joqarı sudı baslıǵınıń birinshi orınbasarı A.Usmanov, Ishki isler ministriniń orınbasarı R.Ashropov, Kámbaǵallıqtı qısqartıw hám bántlik ministriniń orınbasarı A.Muratov, Mektepke shekemgi hám mektep bilimlendiriwi ministriniń orınbasarı F.Boqiev, Shańaraq hám hayal-qızlar komiteti baslıǵınıń birinshi orınbasarı U.Abdullaevalar qatnastı.

Ushırasıwda mámleketimizde Prezidentimiz tárepinen jaslarǵa qaratılıp atırǵan joqarı itibar, olardıń bilim alıwı, kásip-óner ielewi hám óz potencialın kórsetiwi ushın jaratılıp atırǵan imkaniyatlar haqqında ayrıqsha sóz etildi.

Ushırasıw dawamında jaslardıń pikir-usınısları, mashqalaları tıńlandı hám hár bir kóterilgen másele qadaǵalawǵa alınıp, jaslardıń barlıq baslamaları qollap-quwatlanatuǵınlıǵı atap ótildi.