Qaraqalpaqstan ushin óz aldına jáne bir tariyxıy qarar qabıl etildi

Húrmetli Prezidentimizdiń «Qaraqalpaqstan Respublikasında arnawlı mayning zonasın shólkemlestiriw hám onıń jumısın jolǵa qoyıw is-ilajları haqqında»ǵı
143-sanlı qararı qabıl etildi.

Qarar menen: «Besqala mining Valley» arnawlı mayning zonası shólkemlestiriledi. Bunda:

- arnawlı zonanıń aymaǵı Qaraqalpaqstan Respublikasınıń pútgil aymaǵı bolıp esaplanadı;

Arnawlı zona sheńberinde tómendegilerge ruqsat beriledi:

- mayningti ámelge asırıw ushin birden-bir elektr energetika sistemasınan hám barlıq túrdegi qayta tikleniuwshi energiya dáreklerinen, sonday-aq, vodorod elektr stanciyasında islep shıǵarılǵan elektr energiyasınan paydalanıwǵa;

- mayning nátiyjesinde alınǵan kripto-aktivler belgilenǵen tártipte milliy kripto-birjalar yamasa sırt el platformaları arqalı, sonıń ishinde, tikkiley shártnamalar tiykarında satılıwına hám (yamasa) olardı basqa likvidli kripto-aktivlerge almastırıwǵa;

- mayning nátiyjesinde alınǵan (sonıń ishinde, basqa likvid kripto-aktivlerge almastırılǵan) kripto-aktivlerdi satıwdan túskен túsimdi májbúriy túrde Ózbekstan Respublikasındaǵı banklerdiń esap betlerine ótkeriwge;

- tek ǵana Qaraqalpaqstan Respublikası aymaǵında mámleketlik dizimnen ótken halda jumıs alıp barıp atırǵan yuridikalıq shaxslar rezident bolıwına;

- rezidentlerge mayningti ámelge asırıw nátiyjesinde payda bolatuǵın ıssılıq energiyası esabınan awıl xojalıǵına mólsherlenǵen jer uchastkalarında belgilenǵen tártipte ıssıxanalar shólkemlestiriwge ruqsat berilmekte.

Ministrler Keńesiniń shólkemlestiriwinde JShJ túrinde «Besqala mining Valley» arnawlı mayning zonasınıń direksiyası» shólkemlestiriledi hám Direksiya tárepinen arnawlı zona qatnasıwshılıǵına talabánlarǵa rezident statusı beriledi.

2035-jıl 1-yanvarǵa shekem rezidentlerdiń mayning jumısın ámelge asırıw menen baylanıslı operaciyalardan alınǵan dáramatları salıqlar hám jıyımlardan azat etiledi.