Shımbay rayonı hákimi tayınlandı

Usı jıldıń 21-aprel kúni xalıq deputatları Shımbay rayonlıq Keńesiniń gezeksiz 18-sessiyası bolıp ótti.

Sessiyanıń kún tártibinde shólkemlestiriw máselesi kórip shıǵıldı.

Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev qatnastı hám shıǵıp sóyledi.

Sessiyada Shımbay rayonı hákimi lawazımına Eshanov Nasır Muratbaevichti tayınlaw máselesi kórip shıǵıldı.

Usınılǵan talabandı rayonlıq Keńestiń bir qatar deputatları qollap-quwatlap shıǵıp sóyledi.

Sessiyada Eshanov Nasır Muratbaevich Shımbay rayonı hákimi etip tayınlandı.

Maǵlıwmat ornında aytıw kerek, N.Eshanov miynet jolı dawamında «Agrobank» akcionerlik kommerciyalıq banki Qaraqalpaqstan Respublikası basqarması baslıǵı, Qaraqalpaqstan Respublikası Ministrler Keńesiniń ekonomikalıq rawajlandırıw máseleleri boyınsha sekretariat baslıǵı, Kegeyli rayonı hákiminiń finans-ekonomika hám kámbaǵallıqtı qısqartıw máseleleri boyınsha birinshi orınbasarı lawazımlarında nátiyjeli jumıs alıp barǵan.

Ol usı kúnge shekem Qaraqalpaqstan Respublikası Ministrler Keńesi Baslıǵınıń jergilikli sanaattı rawajlandırıw máseleleri boyınsha járdemshisi lawazımında islep kelgen.