Aral futbol komandası 7-tur oyınları juwmaǵı menen Pro Ligada 1-orınǵa kóterildi
25
Búgingi kúnde Futbol boyınsha Ózbekstan Pro Ligası oyınları dawam etpekte.
Usı jıldıń 6-may kúni Nókis qalasında Pro Liga 7-tur oyınları sheńberinde Aral komandası Ferǵana walayatınıń YAypan komandasına qarsı maydanǵa tústi.
Oyında dáslep Aral komandasınan Ruslan Anuarov esaptı ashqan bolsa, bunnan soń komanda izbe-iz esap boyınsha ústemlikti bekkemlep, esaptı 5:0 kórinisine alıp keldi.
Oyınnıń 56-minutında YAypan komandasınan Akborxon Ibroximxonov Aral dárwazasına komandasınıń dáslepki golın jaylastırdı, esap 5:1.
Usı tiykarda oyın 5:1 esabında juwmaqlandı hám Aral komandası Pro Ligadaǵı ornın bekkemlep, qarsılasları dárwazasına kirgizilgen toplar esabına birinshi orınǵa kóterildi.