ESLEW BAR EKEN MILLET JASAYDÍ

9-may – Eslew hám qádirlew kúni hámde Ekinshi jáhán urısında erisilgen jeńistiń 81 jıllıǵı belgilendi. 

Bayram múnásibeti menen paytaxtımız Nókis qalasındaǵı «Hásiretli ana» esteligi maydanına mámleketlik hám jámietlik uyımlar, sonday-aq, keń jámietshilik wákilleri toplandı.

Qaraqalpaqstan Respublikası Joqarǵı Keńesiniń Baslıǵı Amanbay Orınbaev bayram múnásibeti menen «Hásiretli ana» esteligine gúlsheńber qoyıp, Ekinshi jer júzilik urısta qurban bolǵanlardıń esteligine húrmet kórsetti. 

Sonday-aq, Qurallı Kúshler sistemasına kiriwshi strukturalar wákilleri, mákeme shólkemler, keń jámietshilik wákilleri menen jaslar da estelikke gúl qoydı.