“Jurt qayǵısında 365 kún”

Prezident Shavkat Mirziyoevtiń 2025-jıl dawamındaǵı kóp qırlı jumısı, mámleketlik basqarıw, xalıqaralıq diplomatiya, ekonomikalıq reformalar, ekologiyalıq turaqlılıq, sociallıq qorǵaw, ilim, bilimlendiriw hám mádeniyat tarawlarında ámelge asırǵan jumısların hújjetli derekler, analitikalıq sholıwlar hám foto kórinisler tiykarında jámlegen keń kólemli toplam – «Jurt qayǵısında 365 kún» kitabı baspadan shıǵarıldı.

Basılım jıl dawamında júz bergen siyasiy, ekonomikalıq hám sociallıq processlerdi belgili xronologiyalıq izbe-izlik tiykarında sáwlelendiredi. Kitap aylar kesiminde tártipke salınǵan bolıp, hár bir aydıń basında Prezident jumısınıń tiykarǵı baǵdarları qısqasha jámlengen. Bunnan keyin áhmietli waqıyalar, saparlar, ushırasıwlar, videoselektor májilisleri, xalıqaralıq sóylesiwler, qol qoyılǵan hújjetler, baslama hám joybarlar óz aldına bólimler kesiminde tolıq analizlengen.