Joqarǵı Keńes Baslıǵı mektep pitkeriwshilerin qutlıqladı

Qaraqalpaqstan Respublikası Joqarǵı Keńesiniń Baslıǵı Amanbay Orınbaev Nókis qalasındaǵı 24-sanlı ulıwma bilim beriw mektebinde ótkerilgen sońǵı qońıraw ilajında qatnastı.

Ilajda Joqarǵı Keńes Baslıǵı Prezidentimizdiń mekteplerdi pitkeriwshi ul-qızlarǵa jollaǵan qutlıqlawın oqıp esittirdi.

Sonday-aq, jaslarǵa atalarsha ǵamqorlıq kórsetip kiyatırǵan húrmetli Prezidentimizge, oqıwshılardı kamalǵa keltirip, tárbiyalaǵan ata-analarına, olarǵa bilim bergen muǵallimlerge minnetdarshılıq bildirdi.

Atap ótiw orınlı, usı jılı da púlkil elimiz boylap «Sońǵı qońıraw» ilajları kóterińki ruwxta ótkerilmekte. Usınday       quwanıshlı kúnde respublikamızdaǵı 721 mektepte «Sońǵı qońıraw» qaǵılıp, olardaǵı 26 mıńnan aslam oqıwshı-jaslarımız qádirdan ana mektepleri menen xoshlaspaqta.

Álbette, bul pitkeriwshi jaslar arasınan elimizdiń dańqın dúnyaǵa tanıtatuǵın, ana-Watanımızǵa sadıqlıq penen xızmet etip, elimiz rawajlanıwına múnásip úles qosatuǵın jaslar jetilisip shıǵadı.

Búgingi ilaj dawamında sońǵı qońıraw qaǵıldı.