Mámleketlik sıylıqlar saltanatlı túrde tapsırd

Jaqında húrmetli Prezidentimizdiń «Mádeniyat, kórkem óner hám ádebiyat tarawları xızmetkerlerinen bir toparın sıylıqlaw haqqında»ǵı pármanı qabıl etilip, usı tiykarda Qaraqalpaqstan Respublikasınan bir topar taraw wákilleri sıylıqlandı.

Búgin Qaraqalpaqstan Respublikası Joqarǵı Keńesiniń Baslıǵı Amanbay Orınbaev párman tiykarında sıylıqlanǵan taraw xızmetkerlerin qutlıqladı hám mámleketlik sıylıqlardı óz ielerine tapsırdı.

Atap ótilgenindey, sońǵı jıllarda barlıq tarawlar qatarında mádeniyat, kórkem óner hám ádebiyat tarawlarına da ayrıqsha itibar qaratılmaqta.

Bul baǵdarda, arnawlı qarar hám pármanlar qabıl etilip, usı tiykarda mádeniy turmısımızda áhmietli orın ieleytuǵın jańalanıwlar júz bermekte.

Ilaj dawamında mine usınday iygilikli jumıslar haqqında atap ótildi hám keń imkaniyatlar jaratıp bergeni ushın taraw wákilleri sonday-aq, pútkil xalqımız atınan húrmetli Prezidentimizge sheksiz minnetdarshılıq bildirildi.