DAǴAZA

Sońǵı úsh jılda joqarı oqıw orınların tabıslı tamamlaǵan bilimli hám lider jaslardı Qaraqalpaqstan Respublikası Joqarǵı Keńesi hám Ministrler Keńesine ashıq tańlaw tiykarında jumısqa qabıl etiwdiń ekinshi basqıshı juwmaqlandı.

Ekinshi basqıshtıń nátiyjelerin Qaraqalpaqstan Respublikası Joqarǵı Keńesiniń www.tanlawjk.uz veb-saytında ashılǵan jeke kabinetlerińizge kirip biliwińiz múmkin.

Úshinshi basqısh - tańlaw qatnasıwshılarınıń pikirlew hám analizlew qábiletin anıqlaw maqsetinde shıǵarma (esse) jazıw tiykarında ótkeriledi.

Bunda tańlaw qatnasıwshılarına 5 tarawlıq baǵdar (tema) usınıladı hám birewin saylap, ana tilinde shıǵarma (esse) jazadı. Shıǵarmanı qosımsha shet tilinde jazǵanlarǵa ústemlik beriledi.

Shıǵarma jazıw ushın 2 saat waqıt beriledi. Shıǵarma jumısın bahalawda temaǵa baylanıslı áhmietli mashqalalar hám olardıń sheshimleri haqqında usınıslar keltirilgenligi joqarı bahalanadı. Sonday-aq, temanıń mazmun-mánisi tolıq ashıp berilgenligi, mısallardan keńnen paydalanılǵanlıǵı, stilistikalıq hám grammatikalıq jaqtan durıs jazılǵanlıǵı, ózine tán dóretiwshilik ózgeshelikleri keltirilgenligine qosımsha baha qoyıladı.

Úshinshi basqısh, usı jıldıń 20-iyun kúni Bilim hám mamanlıqtı bahalaw agentliginiń Qaraqalpaqstan Respublikası basqarması imaratında bolıp ótedi. (Mánzil: Nókis qalası, Taqıyatas gúzári kóshesi 53/2-jay, orientir: Qubla avtovokzal).

Talabanlardı dizimge alıw azanǵı saat 09-00 de baslanıp saat

09-30 da juwmaqlanadı. Qatnasıwshılardan shaxstı tastıyıqlawshı hújjet (pasport) talap etiledi.

Maǵlıwmat ushın telefon 61-222-74-77