"Jańa Ózbekstan hayal-qızlar olimpiadası"nıń respublikalıq basqıshında Qaraqalpaqstan komandası 1-orındı iyeledi

Tashkent qalasındaǵı Olimpiada qalashasında "Sport penen baxıtlı ómirge qaray!" súreni astında "Jańa Ózbekstan hayal-qızlar olimpiadası"nıń respublikalıq basqıshı bolıp ótti.

Onda Qaraqalpaqstan Respublikası, wálayatlar hám Tashkent qalasınan kelgen qatnasıwshılar, ministrlikler hám shólkemlerdiń belsendi hayal-qızları, sportshı hayal-qızlar hám keń jámietshilik wákilleri qatnastı.

Olimpiada oyınlarınıń juwmaǵı boyınsha Qaraqalpaqstan Respublikası komandası komandalıq esapta birinshi orındı iyeledi.

Sonı ayrıqsha atap ótiw kerek, "Jańa Ózbekstan hayal-qızlar olimpiadası" hayal-qızlardıń sporttaǵı belsendiligin arttırıw, olardıń salamatlıǵın bekkemlew, aymaqlarda hayal-qızlardı ǵalabalıq sportqa tartıw hám qollap-quwatlawǵa xızmet etetuǵın keń kólemli baslama bolıp esaplanadı hám respublika kóleminde ózinde mıń-mıńlaǵan hayal-qızlardı jámledi.