Ximiya sanaatın rawajlandırıw máseleleri talqılandı

Búgin Sawda-sanaat palatası Qaraqalpaqstan Respublikası basqarması imaratında ximiya sanaatı tarawında jumıs alıp barıp atırǵan isbilermenler menen ushırasıw ótkerildi.

Onda dáslep, Qaraqalpaqstan Respublikası Joqarǵı Keńesiniń Baslıǵı Amanbay Orınbaev húrmetli Prezidentimizdiń ayrıqsha itibarı menen Qaraqalpaqstan ushın óz aldına qabıl etilgen qarar hám pármanlar tiykarında isbilermenlikti rawajlandırıw, investiciyalıq joybarlardı qollap-quwatlaw baǵdarında jaratılǵan imkaniyatlar haqqında keń túrde atap ótti.

Sonıń menen birge, sanaatımızdı rawajlandırıwǵa ele de jańasha pát endiriw baǵdarında isbilermenlerdiń pikir-usınısları tıńlandı.

Hár bir kóterilgen másele Joqarǵı Keńes Baslıǵınıń jeke qadaǵalawına alınıp, anıq ilajlardı kóriw hám isbilermenlerdiń barlıq mashqalalarına álbette, unamlı sheshim tabıw boyınsha juwapkerlerge anıq tapsırmalar berildi.