Parasportshımız Ózbekstan chempionına aylandı

Chirchiq qalasında úlkenler, jaslar hám jas óspirimler arasında para pauerlifting boyınsha Ózbekstan chempionatı bolıp ótpekte. Jarısta mámleketimizdiń túrli aymaqlarınan kelgen 400 ge shamalas para sportshı jeńimpazlıq ushın bellesip atır.

Chempionat bellesiwlerinde Nókis mámleketlik texnika universitetiniń

3-kurs studenti Xusniddin Usmonjonov para pauerlifting boyınsha barlıq qarsılaslarınan ústem kelip, jeńimpazlıqtı qolǵa kirgizdi.

Usı tiykarda sportshımız sıylı 1-orındı ielep, Ózbekstan chempionlıǵın óz esabına jazıp qoydı.