Invest Day sheńberinde 3 startap ushın 140 000 AQSh dolları muǵdarında investiciya tartıldı

Kóp milletli xalqımızdıń doslıq simvolına aylanǵan, Ginnestiń rekordlar kitabına kirgizilgen Qara úyde Invest Day - «Jaslar hám investorlar ushırasıwı» ótkerildi.

Invest Day sheńberinde 3 startap ulıwma bahası 140 000 AQSh dolları muǵdarında investiciya tarttı.

Sonnan, Daulet Urumbaev tárepinen usınılǵan kishi hám orta biznes ushın islep shıǵılǵan FinTech startapı ushın 90 mıń AQSh dolları, Tórebek Maxsetov tárepinen usınılǵan LegalTech startapı ushın 20 mıń AQSh dolları, Sultanbek Keńesbaev tárepinen usınılǵan jasalma intellekt texnoloiyaları menen baylanıslı GIFRS startapı ushın 30 mıń AQSh dolları muǵdarındaǵı investiciya tartıldı.

Bul Qaraqalpaqstanda startap ekosistemasın rawajlandırıw jolındaǵı áhmietli nátiyje esaplanadı.

Invest Day startap toparları ushın óz joybarların investorlarǵa usınıw, paydalı pikir-usınıslar alıw hám keyingi rawajlanıw ushın finanslıq qollap-quwatlawdı tartıw imkaniyatın jarattı.