Qaraqalpaqstanda ǵálleden mol qırman úyildi

Qaraqalpaqstan Respublikasında 2026-jıl ónimi ushın 2 091 fermer xojalıǵı tárepinen 53 000 gektar maydanda masaqlı dán eginleri jetistirildi.

Fermer hám diyqanlardıń pidákerlik miyneti nátiyjesinde usı jıldıń zúrááti ushın 124 900 tonna ǵálle jıynaldı.

Bul nátiyje mámleketimiz basshısı tárepinen tarawdı rawajlandırıw, azıq-awqat qáwipsizligin támiyinlew, fermerlerdi hár tárepleme qollap-quwatlaw hám zamanagóy agrotexnologiyalardı keńnen engiziw baǵdarında alıp barılıp atırǵan reformalardıń ámeliy nátiyjesi bolıp esaplanadı.

Erisilgen jetiskenlikte ǵállekesh fermerlerdiń mashaqatlı miyneti, agronomlar, mexanizatorlar, taraw qánigeleri jáne orım-jıyın procesinde belsene qatnasqan barlıq xızmetkerlerdiń múnásip úlesi bar.

Ǵálleden mol zúráát alıwdaǵı miynet jeńisi ushın pidayı diyqanlarımız, barlıq taraw xızmetkerlerin qutlıqlaymız.