Jaslar bayramında bir topar belsendiler sıylıqlandı

Búgin Ózbekstan Respublikası Prezidenti Shavkat Mirziyoevtiń mámleketimiz jasları menen ushırasıwı ótkerildi. Onda mámleketimizdiń barlıq regionlarınan, sonıń ishinde Qaraqalpaqstannan videobaylanıs arqalı jaslar qatnastı.

Ótkerilgen ushırasıw aldınan dáslep ilim, texnologiya, mádeniyat, kórkem óner, sport, isbilermenlik hám basqa da tarawlarda zamanlaslarına órnek bolıp atırǵan bir topar jaslardı sıylıqlaw máresimi bolıp ótti.

Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, húrmetli Prezidentimiz tárepinen jaslarǵa qaratılıp atırǵan ayrıqsha itibar hám kórsetilip atırǵan atalarsha ǵamxorlıǵı haqqında keń túrde atap ótti.

Bunnan soń Qaraqalpaqstan Respublikası Joqarǵı Keńesi Prezidiumı qararı menen bir topar belsendi jaslarǵa «Úmit ushqını» kókirek belgileri tapsırıldı.