Prezident innovaciyalıq joybarlar menen tanıstı

Nókis texnika universitetine Prezident sawǵası - avtomobil tapsırıldı.

Prezident Shavkat Mirziyoev Jaslar kúni múnásibeti menen Olimpiada qalashasında shólkemlestirilgen arnawlı kórgizbede elimizdiń belsendi jasları tárepinen jaratılǵan innovaciyalıq islenbeler menen tanıstı.

Kórgizbe sheńberinde Nókis mámleketlik texnika universiteti studentleri tárepinen «Shell Eco-marathon» xalıqaralıq tańlawı ushın islep shıǵılǵan «Aral Drive» joybarı universitettiń «Ekonomika hám telekommunikaciya injiniringi» fakulteti «Ekonomika» baǵdarı 2-kurs studenti Asanova Ayzada tárepinen Prezidentimizge usınıldı.

Bul joybar universitet studentler jámáátiniń injenerlik hám innovaciyalar tarawındaǵı potencialın kórsetetuǵın islenbelerden biri sıpatında itibarǵa ie boldı.

❗️Quwanıshlı tárepi, bul innovaciyalıq joybar múnásip bahalanıp, Prezident sawǵası Volkswagen avtomashinası tapsırıldı.