Ózbekstan Respublikası Prezidentiniń Qaraqalpaqstan Respublikasındaǵı Xalıq qabıllawxanası baslıǵınıń orınbasarı tayınlandı

Búgin Ministrler Keńesiniń májilisler zalında puqaralardıń múrájatları menen islesiw hám xalıqtı qıynap kiyatırǵan mashqalalarǵa sheshim tabıw máselelerine arnalǵan májilis ótkerildi.

Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev, Ózbekstan Respublikası Prezidenti Xalıq qabıllawxanası baslıǵı F.Omonov qatnastı.

Májiliste dáslep, shólkemlestiriw máselesi kórip shıǵıldı.

Allabergenova Nilufar Reimbaevna – Ózbekstan Respublikası Prezidentiniń Qaraqalpaqstan Respublikasındaǵı Xalıq qabıllawxanası baslıǵınıń orınbasarı lawazımına tayınlandı.

N.Allabergenova tayınlawǵa shekem Qaraqalpaqstan Respublikası Prokurorınıń jámietshilik penen baylanıslar hám huqıqıy málimleme boyınsha aǵa járdemshisi lawazımında islep kelgen.

Májilis dawamında xalıqtı qıynap kiyatırǵan mashqalalar hám puqaralar múrájatları menen islesiw baǵdarında ámelge asırılıp atırǵan jumıslar kórip shıǵıldı.