Orınlarda puqaralar múrájatları menen islesiw máseleleri úyrenildi

Ózbekstan Respublikası Prezidenti Xalıq qabıllawxanası tárepinen Taqıyatas hám Xojeli rayonlarında puqaralardıń múrájatlarına unamlı sheshim tabıw baǵdarında ámelge asırılıp atırǵan jumıslar úyrenildi.

Onda Qaraqalpaqstan Respublikası Joqarǵı Keńesi Baslıǵınıń orınbasarı R.Nurazizov qatnastı.

Tanısıw barısında sońǵı 6 ay dawamında ámelge asırılǵan jumıslar talqılanıp, tarawlar kesiminde kelip túsken múrájatlar kórip shıǵıldı.

Sonday-aq, kóp múrájat etken puqaralar boyınsha tolıq qayta úyrenip, olardıń mashqalaların sheshiwde kompleks ilajlardı ámelge asırıw boyınsha wazıypalar belgilendi.

Sonıń menen birge, orınlardaǵı mashqalalardı sheshiw baǵdarında puqaralar ushın qabıllawlardı turaqlı túrde ótkeriw, bildirilgen múrájatlardı óz waqtında sheshiliwin támiyinlew boyınsha anıq tapsırmalar berildi.