Nókis qalası ushın 32 dana avtobus alıp kelinbekte

Elimizde barlıq tarawlar qatarında transport tarawında da kóplegen jańalanıwlar menen ózgerisler ámelge asırılıp, xalqımızǵa xızmet kórsetiw sapasın jaqsılaw boyınsha bir qatar jumıslar ámelge asırılmaqta.

Nókis qalasında xalıqqa sapalı jámietlik transport xızmetin kórsetiwdi jolǵa qoyıw, háreket quramın jańalaw, jolawshılarǵa qosımsha qolaylıqlar jaratıw maqsetinde "FAYZ AVANGARD" JShJ tárepinen 32 dana avtobus alıp kelinbekte.

Aytıp ótiw orınlı, húrmetli Prezidentimizdiń jámietlik transport xızmetin rawajlandıw baǵdarında qabıl etilgen qararları menen «Brutto-shártnaması, yaǵnıy, «basıp ótilgen jol» hám «sapa» ólshemi tiykarında jolawshı tasıw xızmetin shólkemlestiriw belgilengen. Usı tiykarda, bul avtobuslar Nókis qalası ishindegi jónelislerge brutto-shártnama menen jaylastırıladı.