Isbilermenlerdiń pikir-usınısları tıńlanbaqta

Húrmetli Prezidentimizdiń isbilermenler menen VI ashıq sóylesiwine tayarlıq jumısları barlıq orınlarda dawam ettirilmekte.

Mine usı baǵdardaǵı ilajlardıń dawamı sıpatında, kóp milletli xalqımızdıń doslıq simvolına aylanǵan, Ginnestiń rekordlar kitabına kirgizilgen Qara úyde isbilermenler menen ushırasıw ótkerildi.

Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev, Ózbekstan Respublikası Bajıxana komiteti baslıǵı A.Mavlonov qatnastı.

Atap ótilgenindey, sońǵı jılları elimizde húrmetli Prezidentimizdiń ayrıqsha itibarı menen Qaraqalpaqstan ushın óz aldına qabıl etilgen qarar hám pármanlar tiykarında isbilermenlikti rawajlandırıw, investiciyalıq joybarlardı qollap-quwatlaw baǵdarında keń kólemli imkaniyatlar jaratıp berilgen.

Búgingi ushırasıwda da mine usınday iygilikli jumıslar haqqında atap ótildi.

Sonday-aq, isbilermenlerdiń óz biznesin elede rawajlandırıwı ushın jáne qanday ilajlardı ámelge asırıw boyınsha pikir usınısları hám mashqalaları tıńlandı.