Prezident sawǵası – avtomobil óz iyesine saltanatlı túrde tapsırıldı

Jaqında húrmetli Prezidentimiz Shavkat Mirziyoev Jaslar kúni múnásibeti menen Olimpiada qalashasında shólkemlestirilgen arnawlı kórgizbede elimizdiń belsendi jasları tárepinen jaratılǵan innovaciyalıq islenbeler menen tanısqan edi.

Kórgizbe sheńberinde Nókis mámleketlik texnika universiteti studentleri tárepinen «Shell Eco-marathon» xalıqaralıq tańlawı ushın islep shıǵılǵan «Aral Drive» joybarı Prezidentimizge tanıstırıldı.

Bunnan soń joybar prezentaciyasın usınǵan Texnika universitetiniń «Ekonomika hám telekommunikaciya injiniringi» fakulteti «Ekonomika» baǵdarı 2-kurs studenti Asanova Ayzada Prezident sawǵası  Volkswagen elektromobili menen sıylıqlandı.

Búgin Qaraqalpaqstan Respublikası Joqarǵı Keńesiniń Baslıǵı Amanbay Orınbaev usı avtomobildi óz iesine tapsırdı hám «Aral Drive» joybarınıń barlıq qatnasıwshıların qutlıqladı.

Komandaǵa aldaǵı waqıtta Belgiya mámleketinde ótkeriletuǵın tańlawda da joqarı nátiyjelerdi qolǵa kirgiziwine tilekleslik bildirildi.