Joqarǵı Keńes Baslıǵı isbilermenler menen ushırastı

Qaraqalpaqstan Respublikası Joqarǵı Keńesiniń Baslıǵı Amanbay Orınbaev basshılıǵında isbilermenlerdi qollap-quwatlaw hám jańa joybarlardı iske túsiriwde ushırasıp atırǵan mashqalalardı anıqlaw hám olardı saplastırıw boyınsha ushırasıw bolıp ótti.

Onda mebel islep shıǵarıw hám ónermentshilik penen shuǵıllanıwshı isbilermenlerdiń pikir-usınısları hám baslamaları tıńlandı.

Atap ótiw orınlı, húrmetli Prezidentimizdiń basshılıǵında elimizde isbilermenlikti jáne de rawajlandırıw, olar ushın barlıq qolaylı sharayatlardı hám imkaniyatlardı jaratıw baǵdarında keń kólemli ilajlar ámelge asırılmaqta. Bunda Qaraqalpaqstan ushın óz aldına qabıl etilgen tariyxıy párman hám qararlar bul baǵdardaǵı ilájlar kólemin jańa basqıshqa kótermekte.

Búgingi ótkerilgen ushırasıwda ayırım sebeplerge baylanıslı ushırasıp atırǵan mashqalalar boyınsha jaqınnan pikirlesildi.

Jańa jumıs orınların jaratıwǵa qaratılǵan hár qanday baslama barqulla qollap-quwatlanatuǵınlıǵı Joqarǵı Keńes Baslıǵı tárepinen ayrıqsha tilge alındı.

Ushırasıw dawamında búgingi kúnde isbilermenlerdi qıynap kiyatırǵan mashqalalar tıńlandı hám kóterilgen máselelerdiń basım kópshiligine ornında sheshimin tabıw ilajları kórildi.