Usı jılı shańaraqlıq isbilermenlik joybarları ushın qosımsha 2 trillion sum jeńilletilgen resurs berildi. «Awır» máhálleler ushın kredit stavkası 17,5 procentten 12 procentke túsirildi.

Endi máhálle bankirleri ózi tapqan joybarı ushın usı resurstan paydalanıwı múmkin boladı. Bul sistemanı 1-avgusttan ámeliyatqa engiziw wazıypası qoyıldı. Bul haqqında Prezident Shavkat Mirziyoevtiń basshılıǵında ótkerilgen máhállelerge jańa ortalıq alıp kiriw hám "máhálle jetiligi" jumısın jańasha shólkemlestiriw boyınsha videoselektor májilisinde atap ótildi.

Máhálle bankirlerine biznes belsendiligin arttırıw, isbilermenlik, jumıs ornı hám xalıqtıń dáramatın kóbeytiw boyınsha KPI belgilenedi. Rayon hám qala hákimleri máhálle baslıqları menen birge hár bir máhálle bankirine jıldıń aqırına shekem anıq buyırtpa qáliplestirip beredi.

 Mámleketlik bankler bıyıl 100 den máhálleni qánigelestiriw baslaması menen shıqqan. Ótken jılı 9 mámleketlik banktiń qatnasında máhállelerde agrosanaattı rawajlandırıw ushın "Agrostar" kompaniyaları shólkemlestirilgen edi.

Endi bankler máhálleni qánigelestiriw menen sheklenip qalmastan, "Agrostar"lardı tartqan halda "jetistiriw - qayta islew - saqlaw - qadaqlaw - satıw" shınjırın jaratadı. Bir ayda baǵdarlama islep, 1 mıń máhállede jumıs baslaw tapsırıldı.