«Aral» Futbol komandasına Prezident sawǵası – zamanagóy avtobus tapsırıldı

Xabarıńız bar, búgingi kúnde Pro Liga oyınlarında «Aral» futbol komandamız jetekshilikti qoldan bermey kelmekte.

Búgin futbol komandamızdı qollap-kuwatlaw maqsetinda Prezident sawǵası – zamanagóy avtobus saltanatlı túrde tapsırıldı.

Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, komandamız barqulla qollap-quwatlawda ekenligin atap ótti.

Bunnan soń, Ózbekstan Pro Ligasınıń 11-tur oraylıq oyınında 26 ochko jıynaǵan halda birinshilikti qoldan bermey kiyatırǵan «Aral» futbol komandamız «Shwrtan» komandasına qarsı maydanǵa tústi hám oyın juwmaǵı menen 3:1 esabında jeńiske eristi.

Aytıp ótiw orınlı, PFK «Aral» búgingi kúnde Pro Ligada jetekshilikti qoldan bermey kelmekte. Aldaǵı waqıtta komandamız, álbette, Super Liga oyınlarında qatnasıw imkaniyatın qolǵa kirgizedi dep bekkem isenemiz.