“30-iyul – Xalıqlar doslıǵı kúni” múnásibeti menen “Doslıq festivalı” keń túrde belgilendi

Búgin Taxtakópir rayonı «Qaratereń» turistlik orayında “30-iyul – Xalıqlar doslıǵı kúni” múnásibeti menen “Doslıq festivalı” saltanatı ótkerildi.

Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, jıynalǵanlardı sáne múnásibeti menen qutlıqladı.

Aytıp ótiw orınlı, hár jılı elimizde “Xalıqlar doslıǵı kúni” bayramı hám “Doslıq festivalı” kóterińki ruwxta ótkerilip kelinbekte. Keń túrde belgilenip atırǵan bayram ilajları shetki awıl hám máhállelerden baslap barlıq qala hám rayonlarda xalıq seyilleri, milliy mádeniy oraylar, milliy taǵamlar, súwretshi hám ónermentlerdiӊ kórgizbeleri menen keń túrde dawam etpekte.

Búgingi kúnde elimizde jasap atırǵan túrli millet wákilleri bir maqset jolında birlesip, ana-Watanımızdı ele de rawajlandırıw jolında ayanbay miynet etip, joqarı tabıslardı qolǵa kirgizip kelmekte.

Álbette, bul baǵdarda ámelge asırılıp atırǵan ilajlar eń tiykarǵı baylıǵımız bolǵan elimiz tınıshlıǵın saqlawda, xalıqlar doslıǵın, milletler aralıq tatıwlıqtı jəne de bekkemlewde əhmietli orın tutpaqta.

Bayram ilajı belgili qosıqshılar atqarıwındaǵı gala-koncert baǵdarlaması menen dawam etti.