Húrmetli salıq uyımları xızmetkerleri!
Eń dáslep, Sizlerdi búgingi sáne - Salıq xızmeti shólkemlestirilgen kún múnásibeti menen qızǵın qutlıqlaymız!
Salıq xızmeti - mámleketimizdiń finanslıq turaqlılıǵı, ekonomikalıq rawajlanıwı hám xalıqtıń abadanlıǵın támiyinlewde áhmietli bolǵan juwapkershilikli hám maqtanıshlı taraw bolıp esaplanadı.
Ózine júkletilgen wazıypalardı shın kewilden orınlap, byudjet dáramatların tolıq hám óz waqtında qáliplestiriw, isbilermenlik ortalıǵın sawallandırıw hám olardı qollap-quwatlaw jolında múnásip miynet etip atırǵan salıq uyımları xızmetkerleriniń pidákerlik miyneti bárqulla itibarǵa ılayıq.
Búgingi kúnde elimizde ámelge asırılıp atırǵan keń kólemli dóretiwshilik jumısları, sonıń ishinde, salıq sistemasında ámelge asırılıp atırǵan túpkilikli reformalar eń dáslep xalqımızdıń búgingi turmısınan razı etiw jolında dawam ettirilmekte.
Sonı ayrıqsha atap ótiw kerek, búgingi kún salıqshıları endi isbilermenlerdiń jaqın járdemshisi, máhállelerde jańa jumıs orınların jaratıwda baslamashı hám jámiette sociallıq ádillikti támiyinlewge úles qosatuǵın kásip ielerine aylanbaqta.
Xalqımız siz áziz taraw xızmetkerleriniń pidákerlik miynetińizdi hámiyshe qádirleydi.
Sizlerdi jáne bir márte búgingi sáne múnásibeti menen qutlıqlap, bársheńizge bekkem densawlıq, shańaraqlıq baxıt, mashaqatlı hám maqtanıshlı jumıslarıńızda tabıslar tilep qalamız!
Amanbay Orınbaev
Qaraqalpaqstan Respublikası Joqarǵı Keńesiniń Baslıǵı