Húrmetli isbilermenler, Búgingi dáwirdiń haqıyqıy qaharmanları!

Eń dáslep, bársheńizdi elimizde keń túrde belgilenip atırǵan ájayıp bayram – «Isbilermenler kúni» múnásibeti menen qızǵın qutlıqlaymız.

Bárshemizge málim, húrmetli Prezidentimiz tárepinen 2021-jıldıń 23-dekabr kúni qol qoyılǵan «Isbilermenler kúnin belgilew haqqında»ǵı Nızamǵa muwapıq bul sáne hár jılı pútkil elimiz boylap keń túrde belgilenip kelinbekte. Bul álbette, isbilermenlerdi qollap-quwatlaw máselesi mámleketlik siyasat dárejesine kóterilgenliginiń jáne bir kórinisi esaplanadı.

Sonı da ayrıqsha aytıw kerek, siziń tımsalıńızda búgin xalqımız jańa zaman talabına sáykes qádem taslaytuǵın, tınıp-tınshımas, óz ústinde barqulla islep, turmısımızǵa jańalıqlardı alıp kiriwden sharshamaytuǵın, jańa jumıs orınların jaratıw arqalı turmısımız abadanlıǵın arttırıwda múnásip úles qosıp atırǵan haqıyqıy dáwirimiz qaharmanların kóredi.

Elimiz ekonomikasın kóteriwde úles qosıw hám bekkemlewdey pidákerli miynetlerińizdi xalqımız barqulla qádirleydi.

Sizlerdi Isbilermenler kúni menen jáne bir márte qutlıqlap, bársheńizge bekkem densawlıq, mashaqatlı miynetińizde bárháma tabıslar tileymiz.

Amanbay Orınbaev

Qaraqalpaqstan Respublikası Joqarǵı Keńesiniń Baslıǵı