Bayram aldınan jańa mektep paydalanıwǵa tapsırıldı

Ózbekstan Respublikası Ǵárezsizliginiń 35 jıllıǵı bayramı aldınan Shımbay rayonı Doslıq MPJ aymaǵındaǵı 47-sanlı ulıwma orta bilim beriw mektebi paydalanıwǵa tapsırıldı.

Bul bilimlendiriw orayı Ózbekstan Respublikası Prezidentiniń PQ-454-sanlı qararı tiykarında 330 orınǵa mólsherlengen. Qurılıs-ońlaw jumısların ámelge asırıw ushın 13 milliard 450 million sum qarjı ajratıldı.

Zamanagóy hám barlıq zárúr sharayatlarǵa ie bolǵan jańa mektepte oqıwshılardıń sapalı bilim alıwı, bos waqtın mazmunlı ótkeriwi hám pedagoglar ushın múnásip miynet sharayatları jaratıldı.