Eń ullı hám eń áziz bayram múnásibeti menen bir topar watanlaslarımızǵa mámleketlik sıylıqlar tapsırıldı

Búgin Qaraqalpaqstan Respublikası Joqarǵı Keńesinde Ózbekstan Respublikası Ǵárezsizliginiń otız bes jıllıǵı múnásibeti menen elimizdiń rawajlanıwı jolında ayanbay miynet etip atırǵan, ǵárezsizligimizdi ele de bekkemlew, ósip kiyatırǵan jas áwladtı Ana-Watanǵa sadıqlıq ruwxında tárbiyalawda jemisli miynet etip atırǵan bir qatar watanlaslarımızdı sıylıqlaw máresimi bolıp ótti.

Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, ǵárezsizligimizdiń otız bes jıllıǵı múnásibeti menen jıynalǵanlardı qutlıqladı.

Ilajda Ózbekstan Respublikası Prezidentiniń pármanına tiykar mámleketimiz ǵárezsizliginiń otız bes jıllıǵı múnásibeti menen sıylıqlanǵan watanlaslarımızǵa orden, medallar tapsırıldı.

Búgingi xoshametlengenler sıylıqlardıń tapsırılıwı elimiz basshısınıń Qaraqalpaqstanǵa bolǵan ayrıqsha itibarı hám ǵamxorlıǵınıń jáne bir kórinisi ekenligin ayrıqsha tilge alıp, bunıń ushın Prezidentimizge tereń minnetdarshılıǵın bildirdi.