Bunnan soń Nókis rayonı aymaǵındaǵı «Inter Agro broylerlar Nukus» kárxanasınıń jumısı menen jaqınnan tanısıldı

Ulıwma bahası 60 milliard sum bolǵan joybar tiykarında jańadan qurılǵan bul kárxanada búgingi kúnde 40 jańa jumıs ornı jaratılǵan. Kárxanada xalıqtıń dasturxanına sapalı tawıq góshi hám máek ónimlerin jetkerip beriw menen birge, násilshilikke arnalǵan inkubaciyalıq máek jetistiriw baǵdarı da jolǵa qoyılǵan.

Áhmietlisi, búgingi kúnde kárxana tárepinen sırt elge shójelerdi eksport etiw jumısları da baslap jiberilgen.

Joybardıń iske qosılıwı aymaqta qusshılıq tarmaǵın jáne de rawajlandırıw, sapalı ónim islep shıǵarıw kólemin arttırıw hám ishki bazar talabın támiyinlewde úlken áhmietke ie bolmaqta. Ásirese, násilshilik baǵdarınıń jolǵa qoyılǵanı tarawdaǵı imkaniyatlardı keńeytiwge xızmet etedi.

Eń áhmietlisi, bunday zamanagóy óndiris kárxanalarınıń qurılısı aymaq ekonomikasına jańa pát baǵıshlap, jańa jumıs orınlarınıń jaratılıwı, jergilikli ónimlerdiń túri hám kóleminiń kóbeyiwi ushın tiykar jaratpaqta.