Jańadan ashılǵan jeke menshik mektep jumısı barıp kórildi

Nókis qalasında jańadan qurılǵan zamanagóy «Zeyin» jeke menshik mektebi barıp kórildi. Jámietlik belsendiler bul jerde oqıwshılar ushın jaratılǵan sharayatlar menen jaqınnan tanıstı.

Bahası 21 milliard sum bolǵan bul zamanagóy bilimlendiriw ornı búgingi kúnniń talapları tiykarında qurılıp, oqıwshılardıń sapalı bilim alıwı ushın zárúr imkaniyatlar menen támiyinlengen. Ásirese, bilimlendiriw processinde zamanagóy sanlı texnologiyalardan paydalanılıwına, oqıwshılardıń qızıǵıwshılıǵı hám qábiletlerin rawajlandırıwǵa ayrıqsha itibar qaratılǵan.

Eń áhmietlisi, Nókis qalasında zamanagóy jeke menshik mekteptiń iske qosılıwı bilimlendiriw tarawında jańa imkaniyatlardı keńeytip, ata-analar hám oqıwshılar ushın sapalı bilim alıwdıń jáne bir alternativ baǵdarın jaratpaqta. Bunday joybarlar aymaqta bilimlendiriwdiń sapasın arttırıw hám jas áwlad ushın múnásip sharayatlar jaratıwǵa xızmet etedi.