Jańalanǵan «Turan» stadionı ǵárezsizlik bayramı qarsańında xalqımızǵa hám futbol ıqlasbentlerine múnásip sawǵa boldı

Sońǵı jılları húrmetli Prezidentimizdiń basshılıǵında xalıq xojalıǵınıń barlıq tarawında keń kólemli reformalar ámelge asırılmaqta. Bunday reformalardıń ámeliy nátiyjeleri tiykarında jańa jumıs orınları, óndiris quwatlıqları jaratılıp, infrastruktura menen baylanıslı iri joybarlar ámelge asırılmaqta.

Mine usınday ámeliy jumıslar qatarında kúni keshe húrmetli Prezidentimizdiń basshılıǵında mámleketimiz boyınsha iri obektler, sonıń ishinde, Qaraqalpaqstanda da 12 iri obekt paydalanıwǵa tapsırılǵan edi.

Bul obektler qatarında jámi 117 mlrd. sum qarjı esabınan rekonstrukciyalanǵan Turan futbol stadionı da iske qosıldı.

Rekonstrukciya jumısları sheńberinde tiykarǵı futbol maydanına qosımsha 2 futbol maydanshası, futbolshılar ushın jataqxana, oqıw xanaları, asxana, kitapxana, fitnes hám sport zalları, xalıqqa xızmet kórsetiw orınları, avtomashinalar turıw ornı qurıldı. Bunıń nátiyjesinde stadion futbolǵa qánigelestirilgen sport kompleksine aylandırıldı.

Sonday-aq, futbol oyınların zamanagóy talaplar tiykarında ótkeriw maqsetinde VAR - tóreshiler qararların videojazıw arqalı qayta kórip shıǵıw sisteması ornatıldı.

Álbette, bul obekttiń Ǵárezsizlik bayramı qarsańında paydalanıwǵa tapsırılıwı xalqımız hám futbol jankúerleri ushın haqıyqıy bayram sawǵası boldı.

Miymanlar stadionda jaratılǵan sharayatlar menen jaqınnan tanıstı.