Taxtakópir rayonı «Dáwir» máhállesiniń jańa imaratı paydalanıwǵa tapsırıldı

Búgin Taxtakópir rayonında Ózbekstan Respublikası Ǵárezsizliginiń 35 jıllıǵı bayramı aldınan «Dáwir» máhállesi ushın jańadan qurılǵan imarat paydalanıwǵa tapsırıldı.

Bul joybar 1 milliard 290 million sum qarjı esabınan qurılıp, paydalanıwǵa tapsırıldı.

Jańa imarattıń ashılıw máresiminde rayon hákimi J.Adilov, máhálle turǵınları hám keń jámietshilik wákilleri qatnastı.

Zamanagóy hám qolaylı sharayatlarǵa ie bolǵan jańa imaratta máhálle xalqı ushın bir qatar qolaylıqlar, máhálle xızmetlerin nátiyjeli shólkemlestiriw hám xalıq penen islesiw ushın barlıq zárúr sharayatlar jaratılǵan.