Ǵárezsizlik bayramı qarsańında Shomanay shańaraqlıq medicina punkti paydalanıwǵa tapsırıldı

Ǵárezsizlik bayramı qarsańında Shomanay rayonı Medicina birlespesine qaraslı "Mamıy" awıl puqaralar jıyını aymaǵında jaylasqan Shomanay shańaraqlıq shıpakerlik punkti imaratınıń saltanatlı ashılıw máresimi bolıp ótti.

Bul shıpakerlik punkti Prezidentimizdiń PQ-248-sanlı qararına muwapıq, 2 milliard 216 million sum qarjı esabınan tolıq rekonstrukciyalandı.

Paydalanıwǵa tapsırılǵan Shomanay shańaraqlıq shıpakerlik punktinde jaratılǵan zamanagóy sharayatlar 2200 den aslam xalıqqa baslanǵısh medicinalıq-sanitariyalıq járdemdi óz waqtında hám sapalı kórsetiw imkaniyatın beredi.