Taqıyatas rayonı «Keneges» máhállesinde zamanagóy turmıslıq xızmet kórsetiw orayı paydalanıwǵa tapsırıldı

Mámleketimiz Ǵárezsizliginiń 35 jıllıǵı qarsańında Taqıyatas rayonında bayram ilajları qızǵın dawam etpekte. Búgin rayondaǵı «Keneges» awıl puqaralar jıyını aymaǵında jáne bir áhmietli obekt - xalıqqa qolaylıq jaratıw maqsetinde qurılǵan Turmıslıq xızmet kórsetiw orayınıń saltanatlı ashılıw máresimi bolıp ótti.

Oraydıń ashılıw ilajında aymaq turǵınları, nuranıylar hám keń jámietshilik wákilleri qatnasıp, shetki aymaqlar ushın da usınshama itibar qaratıp atırǵanlıǵı ushın Prezidentimizge óz minnetdarshılıǵın bildirdi.

Atap ótiw orınlı, bul kórkem imarat Prezidentimizdiń 5246-sanlı qararı tiykarında 3,6 mlrd. sum qarjı esabınan zamanagóy, barlıq qolaylıqlarǵa ie etip qurıp pitkerildi.

Álbette, bul jańa oray aymaq xalqı ushın túrli kúndelikli turmıslıq xızmetlerdi bir jerge jámlestirip, olardıń uzaǵın jaqın, awırın jeńil etiwge xızmet etedi.