Taqıyatasta bayram sawǵası: «Keneges» APJda jańa zamanagóy balalar baqshası paydalanıwǵa tapsırıldı

Mámleketimiz Ǵárezsizliginiń 35 jıllıǵı múnásibeti menen búgin Taqıyatas rayonında 3 jańa mámleketlik mektepke shekemgi bilimlendiriw shólkemi saltanatlı túrde paydalanıwǵa tapsırıldı.

Usı bayram sawǵalarınıń biri — «Keneges» awıl puqaralar jıyını aymaǵında boy tiklegen 22-sanlı mámleketlik mektepke shekemgi bilimlendiriw shólkemi esaplanadı.

Bul zamanagóy bilimlendiriw máskani Prezidentimizdiń 5246-sanlı qararı tiykarında, OPEK xalıqaralıq rawajlanıw fondınıń qatnasıwındaǵı «Awıllıq jerlerdi turaqlı rawajlandırıw» joybarı sheńberinde qurıp pitkerildi.

Jańa baqshanıń iske túsiriliwi aymaqtaǵı balalardı sapalı tálim-tárbiya menen qamtıp alıw dárejesin arttırıwǵa hám de olardıń zaman talapları tiykarında jetik insan bolıp kamalǵa keliwine xızmet etedi.