Ǵárezsizlik bayramına jáne bir sawǵa: Taqıyatastaǵı «Nurlı keleshek»te jańa zamanagóy balalar baqshası paydalanıwǵa tapsırıldı

Búgingi kúnde Ózbekstan Respublikası Ǵárezsizliginiń 35 jıllıq saltanatı orınlarda keń túrde belgilenbekte. Ásirese, bayram qarsańında jańa obektlerdiń paydalanıwǵa tapsırılıwı xalqımızǵa ele de joqarı keypiyat inám etpekte.

Mine usınday bayram sawǵalarınıń biri Taqıyatas rayonı «Nurlı keleshek» máhelle puqaralar jıyını aymaǵında qurılǵan 21-sanlı mámleketlik mektepke shekemgi bilimlendiriw shólkemi boldı.

Barlıq qolaylıqlarǵa ie bolǵan bul imarat Prezidentimizdiń 5246-sanlı qararı tiykarında, 4,6 mlrd. sum qarjı esabınan zamanagóy kóriniste boy tikledi.

Bul bilimlendiriw mákemesiniń iske túsiriliwi aymaq xalqı ushın múnásip bayram sawǵası bolıp, keleshegimiz iesi bolǵan perzentlerimizdiń zaman talapları tiykarında sapalı tálim-tárbiya alıwı ushın bekkem tiykar jaratadı.