Ǵárezsizlik bayramına úshinshi sawǵa: «Jańa mákan» máhállesinde jańa zamanagóy balalar baqshası iske tústi

Ózbekstan Respublikası Ǵárezsizliginiń 35 jıllıǵı múnásibeti menen Taqıyatas rayonında paydalanıwǵa tapsırılıp atırǵan 3 jańa balalar baqshasınıń biri — «Jańa mákan» mákan puqaralar jıyını aymaǵındaǵı 20-sanlı mámleketlik mektepke shekemgi bilimlendiriw shólkemi de saltanatlı túrde ashıldı.

Bul imarat ta Prezidentimizdiń 5246-sanlı qararı tiykarında, «Awıl aymaqların turaqlı rawajlandırıw» joybarı sheńberinde 5,2 mlrd. sum qarjı esabınan qurıldı.

Bir kúnde izbe-iz paydalanıwǵa tapsırılǵan usı 3 jańa bilimlendiriw mákemesi rayon xalqı, ásirese, keleshegimiz iesi bolǵan balalar ushın ǵárezsizlik bayramına múnásip sawǵa boldı.