Qaraqalpaqstanda hák islep shıǵarıw zavodı jumıs basladı

Prezidentimiz tárepinen iske túsirilgen obektler qatarında Qaraqalpaqstanda da jámi 12 iri obekt iske túsirilgen edi.

Bul obektler qatarında búgin Qaraózek rayonı «Qoybaq» awıl puqaralar jıyını aymaǵında iske qosılǵan Qaraqalpaqstandaǵı dáslepki sóndirilgen hák islep shıǵarıw zavodı jumısı kózden ótkerildi.

Atap ótiw orınlı, ulıwma 90,3 mlrd. sum qarjı esabınan ámelge asırılǵan zavodta búgingi kúnde 50 jergilikli qánige jumıs penen támiyinlengen.

Al, islep shıǵarıw dawamlılıǵın támiyinlew baǵdarında úlken rezervke ie Qarataw kániniń potencialınan paydalanılıp, sutkasına 500 tonna, al, jılına 165 mıń tonna hák islep shıǵarıw quwatlıǵı jaratıldı.

Aldın sóndirilgen hák respublikamızǵa qońsı wálayatlardan alıp kelingen bolsa, búgingi kúnde ónimler usı jerdiń ózinde islep shıǵarılmaqta hám ishki bazarǵa baǵdarlanbaqta. Aldaǵı waqıtta bolsa qońsı mámleketlerge ekport jolǵa qoyılıwı rejelestirilgen.

Kárxana jumısı menen tanısıw barısında nuranıylar jergilili maman qánigeler menen jaqınnan pikirlesti.