Ámiwdárya rayonında Mańǵıt suw tazalaw imaratı paydalanıwǵa tapsırıldı

Ózbekstan Respublikası ǵárezsizliginiń 35 jıllıǵı aldınan elimizdiń barlıq aymaqlarında jańa dóretiwshilik hám abadanlastırıw joybarları ámelge asırılmaqta. Usı joybarlar qatarında Prezidentimiz tárepinen Qaraqalpaqstanda iske túsirilgen iri obektlerden biri Ámiwdárya rayonındaǵı Mańǵıt suw tazalaw obekti boldı.

Respublikamız belsendileri hám nuranıylar bul orında ámelge asırılǵan jumıslar menen jaqınnan tanıstı.

Ulıwma bahası 167,7 milliard sum bolǵan joybar sheńberinde obekt tolıq rekonstrukciyalanıp, sutkasına 40 mıń kub metr suwdı tazalaw quwatlıǵı jaratıldı.

Sonday-aq, joybar sheńberinde 3 ishimlik suwı obekti hám 300 kilometrden aslam suw tarmaqları jańalandı.

Bul dóretiwshilik jumıslardıń nátiyjesinde Ámiwdárya rayonında oraylasqan ishimlik suwı menen támiyinleniw dárejesin 80 procentke jetkerildi. Áhmietlisi, joybar iske túsiriliwi rayon xalqı ushın múnásip bayram sawǵası boldı.