Jańa Amfiteatrdıń ashılıwı Ámiwdárya rayonı xalqı ushın bayram saltanatına aylandı

Bugin Ámiwdárya rayonı xalqı ushın bayram sawǵası – oraylıq amfiteatrdıń ashılıw saltanatı ótkerildi.

Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, jıynalǵanlardı jańadan qurıp pitkerilgen sawlatlı imarattıń paydalanıwǵa tapsırılıwı múnásibeti menen rayon xalqın qutlıqladı.

Atap ótiw orınlı, Ámiwdárya rayonı xalqınıń bayram ilajların joqarı dárejede ótkeriwi ushın múnásip orın, jıllar dawamında orınlanbay kelgen tilegi – amfiteatr aldın bolmaǵan edi. Húrmetli Prezidentimizdiń itibarı menen búgingi kúnge kelip jańa Amfiteatr qurılıp, paydalanıwǵa tapsırıldı hám rayon xalqınıń kóp jıllıq arzıw-nietleri shınlıqqa aylandı.

Áhmietli tárepi, endigiden bılay rayondaǵı barlıq úlken mádeniy ilajlar hám bayram saltanatları usı jerde ótkeriledi.

Búgingi ótkerilgen ashılıw saltanatı mámleketimiz ǵárezsizliginiń 35 jıllıq bayramı qarsańında ótkeriliwi ilajǵa jáne de kóterińki ruwx baǵıshlap, haqıyqıy bayramǵa aylanıp ketti.

Ashılıw saltanatı kórkem óner hám mádeniyat xızmetkerleri atqarıwındaǵı koncert baǵdarlaması menen dawam etti.