Qutlı áyyyam aldınan Tórtkúlde jáne bir zamanagóy mektep paydalanıwǵa tapsırıldı

Elimizde bilimlendiriw tarawına qaratılıp atırǵan joqarı itibar hám ǵamxorlıqtıń ámeliy kórinisi sıpatında Watanımız ǵárezsizliginiń 35 jıllıq bayramı qarsańında Tórtkúl rayonında da quwanıshlı waqıya júz berdi.

Húrmetli Prezidentimizdiń 454-sanlı qararınıń orınlanıwın támiyinlew maqsetinde «YAngiobod» mákan puqaralar jıyını aymaǵında jańa, zamanagóy mektep imaratı boy tikledi hám eń ullı, eń áziz bayramımız aldınan oqıwshı hám ustazlarǵa sawǵa etildi.

Bahası 10,7 mlrd. sum hám sıyımlıǵı 330 orınǵa ie bolǵan bul mektep barlıq qolaylıqlarǵa ie etip qurıp pitkerildi hám paydalanıwǵa tapsırıldı.

Jańa oqıw jılı aldınan iske qosılǵan bul bilimlendiriw dárgayı aymaqtaǵı ul-qızlar ushın zamanagóy sharayatlarda bilim alıw, oqıtıwshılar ushın bolsa nátiyjeli jumıs alıp barıw jolında keń imkaniyatlar esigin ashadı.