Bozataw rayonınıń “Kók-suw” máhállesi ushın jańa imarat paydalanıwǵa tapsırıldı

Bozataw rayonı “Kók-suw” APJ aymaǵında Ferǵana wálayatı hákimliginiń qáwenderligi esabınan máhálle imaratı jańadan qurılıp, paydalanıwǵa tapsırıldı. Usı múnásibet penen jańa imarattıń ashılıw máresimi bolıp ótti.

Ilajda shıǵıp sóylegenler aymaq xalqın ǵárezsizligimizdiń 35 jıllıǵı hám jańa imarattıń paydalanıwǵa tapsırılıwı múnásibeti menen qutlıqladı. Álbette, jańa imarat máhálle xalqı ushın qolaylı sharayat jaratıp, puqaralarǵa xızmet kórsetiwdiń sapasın bunnan bılay da arttırıwǵa xızmet etedi.