Bozataw-Shımbay jolı qayta ońlanıp, paydalanıwǵa tapsırıldı

Bozataw rayonın Shımbay rayonı menen hámde “Erkindárya” APJnıń “Mákke awılı” hám “Kókshiel” elatı aymaqların rayon orayı menen baylanıstırıwshı 95V038 avtomobil jolınıń qurılıs jumısları juwmaqlanıp, paydalanıwǵa tapsırıldı. Usı múnásibet penen joldıń ashılıw máresimi bolıp ótti.

Húrmetli Prezidentimizdiń 49-sanlı qararı tiykarında Bozataw rayonın rawajlandırıw baǵdarlaması ushın qarjı ajıratılǵan bolıp, usı tiykarda 18 mlrd. 870 mln. sum esabınan 95V038 avtomobil jolınıń 18,3 kilometr bóleginde asfalt qaplamasın tósew jumısları ámelge asırıldı.

Qısqa múddette qurılıs jumısları sapalı hám óz waqtında juwmaqlanıp, “Mákke awılı” hám “Kókshiel” elatı xalqı ushın jáne de qolaylı sharayat jaratıldı. Joldıń paydalanıwǵa tapsırılıwı aymaqlarda transport qatnawın jaqsılaw, xalıq ushın qolaylıqlardı arttırıw hám awıllar arasındaǵı baylanıslardı bekkemlewge xızmet etedi.