Xojeli rayonında jańa sawda kompleksi jumıs basladı

Ǵárezsizligimizdiń 35 jıllıq bayramı qarsańında Xojeli rayonında jańadan boy tiklegen «ATBASAR» sawda kompleksi paydalanıwǵa tapsırıldı.

Saltanatlı ilajda keń jámietshilik wákilleri hám aymaq xalqı qatnastı.

Atap ótiw orınlı, húrmetli Prezidentimizdiń Qaraqalpaqstan ushın óz aldına qabıl etilgen qarar hám pármanları tiykarında berilgen jeńilliklerden paydalanıp, 15 mlrd. sum qarjı esabınan jańa investiciyalıq joybar iske túsirildi.

Nátiyjede 32 shaqapshadan ibárat bolǵan sawda komleksi óz jumısın baslap, 100 ge jaqın jańa jumıs ornı jaratıldı.

Ashılıwda sózge shıqqanlar bunday obektler rayonda xızmet kórsetiw tarawı rawajlanıwına, aymaqtıń sociallıq-ekonomikalıq potencialın arttırıwına salmaqlı úles qosatuǵınlıǵın, bul óz náwbetinde rayon xalqı ushın bayram sawǵası bolǵanın atap ótti.