Áziz Watanlaslar!

Gúllən xalqımızdı Qaraqalpaqstan Respublikası Joqarǵı Keӊesi hám Ministrler Keӊesi atınan elimiz tariyxındaǵı qutlı sáne, eӊ ullı hám eӊ áziz áyyyam – Ǵárezsizligimizdiń 35 jıllıq bayramı menen qızǵın qutlıqlaymız.

Bıyılǵı ǵərezsizlik bayramı «Bir Watan, bir xalıq bolıp, jańa turmıs hám keleshek quramız!» degen tereń mazmunlı ideya astında ótkeriliwi kѳp milletli xalqımızdı — ana Watanımızdı jáne de rawajlandırıw jolında birlestirip, bárshemizdi iygilikli islerge ruwxlandırmaqta.

Bıyılǵı bayram ilajların xalqımız hár qashanǵıdan da joqarı dárejede kutip almaqta.

Ásirese, bayram múnásibeti menen qala ham rayonlarda, sonday-aq, barlıq máhállelerde «Ǵárezsizlik toyları» festivalları kѳterińki ruwxta ѳtkerilgeni, xalqımızdıń búgingi turmısınan razılıǵın támiyinlew jolında bir qatar ámeliy ilajlardıń alıp barılǵanı bayramǵa jáne de kѳterińki ruwx hám xalqımızǵa joqarı keypiyat baǵıshlamaqta.

Áziz doslar!

Bərsheńizdi jáne bir márte Ǵárezsizligimizdiń 35 jıllıq bayramı menen qızǵın kutlıqlaymız.

Shańaraqlarıńızǵa amanlıq tiley otırıp, elimizdiń jáne de gúllep-rawajlanıwı, xalqımızdıń baxıtlı hám abadan turmısı jolındaǵı barlıq jumıslarıńızda tasqın tabıslar tileymiz!

Amanbay Orınbaev

Qaraqalpaqstan Respublikası Joqarǵı Keńesiniń Baslıǵı