Joqarǵı Keńes Baslıǵı Nókis qalasındaǵı 34-sanlı mektep oqıwshıların jańa oqıw jılı menen qutlıqladı

Qaraqalpaqstan Respublikası Joqarǵı Keńesiniń Baslıǵı Amanbay Orınbaev Nókis qalasındaǵı 34-sanlı mektepte bilim alıp atırǵan oqıwshılar menen ushırasıp, olarǵa jańa oqıw jılında tabıslar tiledi.

Dáslep, húrmetli Prezidentimizdiń qutlıqlawı oqıp esittirildi.

Sonıń menen birge, elimizde sońǵı jılları barlıq tarawlar qatarında bilimlendiriw tarawında da alıp barılıp atırǵan reformalar, jaslardıń tereń bilim alıwı ushın jaratılıp atırǵan imkaniyatlar haqqında keń túrde atap ótildi.

Bunnan soń mektepte bilim berip atırǵan oqıtıwshılar menen jaqınnan pikirlesildi. Olarǵa minnetdarshılıq bildirip, elimiz jasları arasınan joqarı nátiyjelerge erisetuǵın jaslar ele de kóplep jetisip shıǵatuǵınlıǵı ayrıqsha tilge alındı.

Ótkerilgen ilajda birinshi qońıraw qaǵıldı.

Ilaj dawamında 1-klassqa qádem qoyıp atırǵan oqıwshılarǵa «Prezident sawǵa»ları tapsırıldı.